Feeds:
Færslur
Athugasemdir

Archive for the ‘áhugavert’ Category

nenni ekki að íslenska þetta

If you comment on this:

1. I’ll respond with something random about you.
2. I’ll tell you which song and/or movie you remind me of.
3. I’ll pick a flavor of jello to wrestle you in.(weird)
4. I’ll say something that only makes sense to you and me.
(if possible. If not, I’ll say something that only makes sense to me.)
5. I’ll tell you my first memory of you.
6. I’ll tell you what animal you remind me of.
7. I’ll ask you something I’ve always wondered about you.
8. I’ll tell you my favorite thing about you.
9. I’ll tell you my least favorite thing about you.
10. If you play, you MUST post this on yours

það er bara gaman að vera með.
Auglýsingar

Read Full Post »

söknuður

Greyin mín ég gerði mér ekki grein fyrir að þið söknuðuð mín svona mikið. Hef bara verið busy við að pína mig í ræktinni og hugsa um stóðið mitt. Ég skal reyna að bæta úr þessu enda heimavinnandi… Ekki eins og yfirmaðurinn verði fúll yfir að ég bloggi í vinnutímanum enda er ég alltaf í vinnunni.

Í gær fór ég í föndru til að kaupa efni í kjóla fyrir okkur mömmu. Svona Emami kjóla

Já og Sigrún og Álfheiður Amý voru með mér. Ég er þarna að skoða efnin og konan segir heyrðu það á að vera til svart ég ætla að athuga þarna hinu meginn. Svo kemur hún aftur og byrjar að þefa út í loftið. Svo segir hún „er þetta brunalykt?“ og heldur áfram að þefa út í loftið og fer og spyr hina konuna sem stóð þarna… Ég hvísla að Sigrúnu „ég var að prumpa“. Svo segir konan þetta er örugglega að utan … Ég ákvað að leyfa henni bara að halda það. Hafrún Ásta eldgleypir…

Annars gerist ekki margt hjá stórfjölskyldunni. Er búin að sauma eina mynd sem ég get ekki deilt með ykkur strax. Er byrjuð á nýrri að sjálfsögðu. Kíkti svo á útsölur eins og sönnum Íslending sæmir og keypti 1 par af skóm og tvennar gallabuxur.

Úpps gleymdi mér aðeins á Pet Society hrikalega ávanbindandi.

Hef ekkert að segja … daman labbar að sjálfsögðu út um allt og klifrar upp á allt eða reynir allavega.

Hafrún Ásta yfir og út …

Read Full Post »

  • Tók í byrjun þessa árs ákvörðun um að gefa ekki brjóst heldur pela og var það góð ákvörðun og þá sérstaklega fyrir Álfheiði Amý.
  • Siggi brá sér til Flórída í golf í 10 daga í febrúar og dúlluðumst við hér heima á meðan.
  • Nala flutti í einbýlishús og unir sér vel þar. Hún var frekar afbrýðissöm út í Álfheiði Amý.
  • Hafsteinn lék í tveimur Leynikleikhús sýningum. Hann lék íkorna fyrri hluta árs og hund í desember. Hann sagðist vilja leika manneskju næst. Hann lék kisu í fyrstu sýningunni sinni.
  • Sumarbústaðaferð með stelpum úr saumaklúbbnum var ótrúlega hressandi og skemmtileg og ég fékk óslitinn nætursvefn …
  • Sumarbústaðaferð um páskana í nærri viku var voða góð ferð.
  • Ég varð að taka því og kyngja því að ég fékk fæðingarþunglyndi. Fékk greiningu í maí og þrátt fyrir erfitt tímabil á undan var þetta jákvætt og hjálpaði mér lengra upp en ég var áður.
  • Ég ákvað að sigrast á því og hef tekið einn dag í einu og komist ótrúlega langt áfram en á þó eftir ða komast alla leið og ætla mér það.
  • Eftir þetta tók lífið góða stefnu. Sumarið færði okkur sumarfrí hjá krökkunum og skemmtilegan tíma til að gera margt saman t.d. fara út að leika okkur saman. Sem var æðislegt.
  • Góðir vinir okkar og nágrannar fluttu úr húsinu en við höfum samt ekki tapað þeim við erum í góðu bandi ennþá.
  • Sumarbústaðaferð í viku með mömmu og pabba var mjög hressandi og skemmtileg og full af bláberjum. Já já alltaf í sumarbústaðaferð.
  • Skólinn byrjaði aftur hjá Hafsteini og hann fór glaður í 3.bekk. Eitthvað gekk það þó brösulega með nýjum kennara og var henni sagt upp rétt fyrir jólafrí og við tóku afleysingjakennarar. En nú er þó búið að finna nýjan kennara fyrir næsta ár vonandi gengur það betur.
  • Tók ákvörðun um að ég þyrfti að hreyfa mig og við Álfheiður Amý mætum galvasakar í World Class í Spönginni á hverjum virkum morgni og tökum á því hún í barnagæslunni ég í tækjum og tímum. Enda er það farið að sýna einhvern árangur. Maður verður kannski spengilegur á endanum. En hreyfingin gerir mér gott og það er einfaldara að fara 5 sinnum í viku en 3 sinnum í viku. Hefur að vísu verið lokað milli jóla og nýárs og ég fór einu sinni niður í Laugar en ég kann betur við Spöngina og hugsa að ég geti frekar prófað upp í Mosó.
  • Strákarnir héldu upp á afmælin sín 5 og 8 ára og þeim finnst þeir svo fullorðnir.
  • Eins og fyrri ár hófst jólakorta framleiðslan og eftir mikla gleði við að búa þau til voru þau orðin 72 sem ég sendi og 60 fyrir mömmu. Er að hugsa um að byrja fyrr á þessu ári og jafnvel hafa þá eitthvað til sölu jafnvel.
  • Fór að stimpla og lita og framleiða kort og finnst það ferlega gaman og hef smitað Brynju vinkonu af því heldur betur.
  • Er enn að sauma út og finnst það enn jafn gaman.
  • Álfheiður Amý fór að labba á fullu og er pínu ein sog hún sé á þriðja glasi hehe.
  • Litla Skellibjalla (einnig þekkt sem Álfheiður Amý) hélt upp á eins árs afmælið sitt og mér finnst ótrúlegt að hún sé orðin eins árs.
  • Bjó til 7 jólagjafir á þessu ári og held að ég reyni að gera það aftur að ári eða jafnvel yfir árið.
  • Nutum aðfangadags með tengdamömmu og Sigrúnu systir Sigga. Krökkunum fannst það æði.
  • Fór ein með strákana í árlegt jólaboð á jóladag því Álfheiður Amý var með hita á jóladag og anna í jólum og misstum við af tveimur jólaboðum þann dag.
  • Fór og tók sameiginlega ákvörðun með yfirmanni mínum að þeir segðu mér upp og ég fengi endurráðningu í haust ef eitthvað væri laust.
  • Ætla samt að sækja um nám í júní og þá í textílkennarann. Vonanid kemst ég inn ef ekki fer ég að vinna í ár og sæki svo um aftur. Hef lært að ég þarf að gera það fyrir mig og það hittir inn á mitt áhugasvið svo afhverju ekki. Enda get ég það vel.
  • Minnið mig á þessi orð í maí og á að sækja um ef ég skildi hafa gleymt því. ;o);)
  • Við Álfheiður Amý höfum átt marga skemmtilega hittinga með mömmu og krílahópunum okkar tveimur og þökkum þeim samveruna. Hafa þeir veirð fleiri án barna undanfarið enda flestar farnar að vinna.
  • Nú er komin gamlársdagur og ég mun eyða því með fjölskyldunni því hingað koma; mamma, pabbi, Ari Már, Halldór, Vanessa, Bára Ying, Sigríður Ósk og nú kannski koma einhverjir í heimsókn í kvöld.

Gleðilegt nýtt ár dásamlega fólk.

Megi nýja árið vera troðfullt af skemmtilegum ævintýrum og áhyggjulausum stundum.

Read Full Post »

Bíóferð

já tvær til þrjár. Í dag er það Shrek 3 með strákunum og svo er ég búin að panta miða á Harry Potter 5 í VIP 11. júlí … já ég er FAN… Og hún Sveina ætlar með mér. Siggi er enginn Harry Potter fan sko… En mig langar líka að sjá Die Hard 4.0 já ég veit en ég fílaði hinar. Og Siggi nennir örugglega með mér á hana.

Hafrún Ásta bíó-óða … þó það sé dýrt.

Read Full Post »

Er ekki komin tími til að játa eitt fyrir ykkur… Allavega þeim sem ekki vita það nú þegar.

sonar-2a.jpg 

Þessi litla vera sem ég kalla oft laumufarþegann er 13 vikna og 3 daga. Settur dagur er 5. desember en ég segi að laumufarþeginn komi 30. nóvember. Því eins og glöggir lesendur fatta eru strákarnir fæddir 30. september og 30. október.

Svo langar mig líka að óska Önnu Þóru og Stebba til hamingju með tvíburana sem fæddust á miðvikudaginn þær eru svo sætar.

Hafrún Ásta ekki alveg kona einsömul…

Read Full Post »

Teflonhúð

Jamm ég ætlaði að skrifa eitthvað sem ég var alveg með tilbúið næstum í dag í vinnunni en þar sem ég er með teflonhúðaðan heila man ég það ekki lengur. Þarf að fara lesa svona inn á diktafón hehe. Allavega man ég ekkert hvað ég ætlaði að tala um.

En að öðru kann fólk ekki að leggja… fyrir utan Húsgagnahöllina og Krónuna leggur fólk alveg út í hött. Ég meina í útkeyrslunni það er mjög vinsælt og fyrir utan gulu línurnar og það rammskakkt svo bíllinn er svo innilega fyrir. Jamm svo ekki sé talað um alla bílana sem virðast ekki koma með stefnuljósum heldur bara svona skrauti í staðinn.

Það var sko ekki þetta sem minn teflonhúðaði heili ætlaði að muna… En ég skrapp til Gyðu í hádeginu og borðaði með henni og það var æði hef ekki hitt hana alltof lengi. Takk fyrir mig Gyða mín.

Man ekki meir …

 Er samt ekki alveg svona tóm…

Hafrún Ásta teflonhúðaða.

Read Full Post »

Londonferðin var success

þetta var rosalega vel heppnuð ferð og margar myndir teknar og
vídeó líka til að sýna í næsta hitting.

Tala nú ekki um allt dótið og að Micheal Powell hefur áhuga á að koma til
Íslands og talaði um það að þessi saumaklúbbur væri sennilega hans stærsti
viðskiptavinur allavega besti … Svo skemmtilega vildi til að hann heilsaði
mér að fyrra bragði og sagðist muna eftir mér frá því í fyrra. Enn fyndara var
að 2 aðrir; sá sem seldi mér lampana og standinn í fyrra og lampann í ár. Einnig
þekkti maður sem seldi efnin mig og heilsaði mér með virtum hehe. Já svei mér þá
ef þetta var ekki bara gaman. Svo núna eiga Jóna, Ásta, Ágústa og Aiste hjá mér
dót … já og Guðbjörg svona nála þræðara. ekki eins og minn en samt ekki svona
sem skemmist strax. Það eina sem ég sé eftir að hafa ekki keypt er núddpúðinn
sem er hægt að færa og nota á alla hluta líkamans hvílík snilld en farangurinn
var víst orðin nægur hehe.

Ég keypti alveg helling og missti mig í nokkrum básum þá sérstaklega Mirabillia
og L&L básnum. Áttu þá ekki munstrið sem mig langaði í?

Takk fyrir frábæra helgi stelpur… allar 6 …

Gæti skrifað svo miklu meira um þessa helgi en er þetta ekki orðið gott í bili
svona í vinnunni.

Skrifa meira í kvöld eða á morgun og bæti við myndum.

Hafrún Ásta kveður.

P.S. I fart in you general direction.

Read Full Post »

Older Posts »