Feeds:
Færslur
Athugasemdir

Archive for desember, 2008

  • Tók í byrjun þessa árs ákvörðun um að gefa ekki brjóst heldur pela og var það góð ákvörðun og þá sérstaklega fyrir Álfheiði Amý.
  • Siggi brá sér til Flórída í golf í 10 daga í febrúar og dúlluðumst við hér heima á meðan.
  • Nala flutti í einbýlishús og unir sér vel þar. Hún var frekar afbrýðissöm út í Álfheiði Amý.
  • Hafsteinn lék í tveimur Leynikleikhús sýningum. Hann lék íkorna fyrri hluta árs og hund í desember. Hann sagðist vilja leika manneskju næst. Hann lék kisu í fyrstu sýningunni sinni.
  • Sumarbústaðaferð með stelpum úr saumaklúbbnum var ótrúlega hressandi og skemmtileg og ég fékk óslitinn nætursvefn …
  • Sumarbústaðaferð um páskana í nærri viku var voða góð ferð.
  • Ég varð að taka því og kyngja því að ég fékk fæðingarþunglyndi. Fékk greiningu í maí og þrátt fyrir erfitt tímabil á undan var þetta jákvætt og hjálpaði mér lengra upp en ég var áður.
  • Ég ákvað að sigrast á því og hef tekið einn dag í einu og komist ótrúlega langt áfram en á þó eftir ða komast alla leið og ætla mér það.
  • Eftir þetta tók lífið góða stefnu. Sumarið færði okkur sumarfrí hjá krökkunum og skemmtilegan tíma til að gera margt saman t.d. fara út að leika okkur saman. Sem var æðislegt.
  • Góðir vinir okkar og nágrannar fluttu úr húsinu en við höfum samt ekki tapað þeim við erum í góðu bandi ennþá.
  • Sumarbústaðaferð í viku með mömmu og pabba var mjög hressandi og skemmtileg og full af bláberjum. Já já alltaf í sumarbústaðaferð.
  • Skólinn byrjaði aftur hjá Hafsteini og hann fór glaður í 3.bekk. Eitthvað gekk það þó brösulega með nýjum kennara og var henni sagt upp rétt fyrir jólafrí og við tóku afleysingjakennarar. En nú er þó búið að finna nýjan kennara fyrir næsta ár vonandi gengur það betur.
  • Tók ákvörðun um að ég þyrfti að hreyfa mig og við Álfheiður Amý mætum galvasakar í World Class í Spönginni á hverjum virkum morgni og tökum á því hún í barnagæslunni ég í tækjum og tímum. Enda er það farið að sýna einhvern árangur. Maður verður kannski spengilegur á endanum. En hreyfingin gerir mér gott og það er einfaldara að fara 5 sinnum í viku en 3 sinnum í viku. Hefur að vísu verið lokað milli jóla og nýárs og ég fór einu sinni niður í Laugar en ég kann betur við Spöngina og hugsa að ég geti frekar prófað upp í Mosó.
  • Strákarnir héldu upp á afmælin sín 5 og 8 ára og þeim finnst þeir svo fullorðnir.
  • Eins og fyrri ár hófst jólakorta framleiðslan og eftir mikla gleði við að búa þau til voru þau orðin 72 sem ég sendi og 60 fyrir mömmu. Er að hugsa um að byrja fyrr á þessu ári og jafnvel hafa þá eitthvað til sölu jafnvel.
  • Fór að stimpla og lita og framleiða kort og finnst það ferlega gaman og hef smitað Brynju vinkonu af því heldur betur.
  • Er enn að sauma út og finnst það enn jafn gaman.
  • Álfheiður Amý fór að labba á fullu og er pínu ein sog hún sé á þriðja glasi hehe.
  • Litla Skellibjalla (einnig þekkt sem Álfheiður Amý) hélt upp á eins árs afmælið sitt og mér finnst ótrúlegt að hún sé orðin eins árs.
  • Bjó til 7 jólagjafir á þessu ári og held að ég reyni að gera það aftur að ári eða jafnvel yfir árið.
  • Nutum aðfangadags með tengdamömmu og Sigrúnu systir Sigga. Krökkunum fannst það æði.
  • Fór ein með strákana í árlegt jólaboð á jóladag því Álfheiður Amý var með hita á jóladag og anna í jólum og misstum við af tveimur jólaboðum þann dag.
  • Fór og tók sameiginlega ákvörðun með yfirmanni mínum að þeir segðu mér upp og ég fengi endurráðningu í haust ef eitthvað væri laust.
  • Ætla samt að sækja um nám í júní og þá í textílkennarann. Vonanid kemst ég inn ef ekki fer ég að vinna í ár og sæki svo um aftur. Hef lært að ég þarf að gera það fyrir mig og það hittir inn á mitt áhugasvið svo afhverju ekki. Enda get ég það vel.
  • Minnið mig á þessi orð í maí og á að sækja um ef ég skildi hafa gleymt því. ;o);)
  • Við Álfheiður Amý höfum átt marga skemmtilega hittinga með mömmu og krílahópunum okkar tveimur og þökkum þeim samveruna. Hafa þeir veirð fleiri án barna undanfarið enda flestar farnar að vinna.
  • Nú er komin gamlársdagur og ég mun eyða því með fjölskyldunni því hingað koma; mamma, pabbi, Ari Már, Halldór, Vanessa, Bára Ying, Sigríður Ósk og nú kannski koma einhverjir í heimsókn í kvöld.

Gleðilegt nýtt ár dásamlega fólk.

Megi nýja árið vera troðfullt af skemmtilegum ævintýrum og áhyggjulausum stundum.

Read Full Post »

Update

Dagurinn er liðinn og komið kvöld. Var þetta ekki nógu spennandi. Höfum svo sem ekki gert mikið í dag en ég fór þó og ákvað með yfirmanni mínum að mér verður sagt upp þar til í haust. Svo sjáum við hvort það verður laus handa mér staða þá ef ekki þá fer ég annað. Svo einfalt er það. En ég geri þá ráð fyrir að sækja um í Khí í haust og fara í nám. Ef ekki … þá fer ég að vinna þar til þá mun eflaust hellingur gerast og breytast.

Hafrún sem bloggar smátt þessa dagana.

Set svo inn myndir frá aðfangadegi og púðana tvo sem ég gat ekki sett inn strax því þeir voru jólagjafir.

Read Full Post »

Næst síðasti dagur ársins

ætlar að verða áhugaverður … Update seinna veit ekki enn hvað gerist næst.

Read Full Post »

Gleðileg jól

Kæru vinir og vandamenn …

Við hér í þessari fjölskyldu bjóðum ykkur gleðilegra jóla og farsæls komandi árs.

Knús og jólakossar á ykkur öll.

Hafrún, Siggi, Hafsteinn Vilbergs, Heiðmar Máni og Álfheiður Amý

Read Full Post »

Ekki lengur afmæli.

Já ég veit ég blogga sjaldan en ég er búin að vera dugleg samt búin að gera fjóra púða úr myndum sem ég hef saumað. Ég get samt bara sett in mynd af tveimur sem eru afmælisgjöf Heiðmars Mána (seint en þó bara frágangur á henni) og Sigga. Hinir tveir eru jólagjafir og því ekki hægt að setja þá hér inn. Ég er búin að gera tvær aðrar jólagjafir fyrir utan púðana og er að verða búin með þá þriðju. Maður er bara duglegur í framleiðslunni fyrir þessi jól ég get að sjálfsögðu ekki sett inn myndir af þeim hér.

Þegar Álfheiður Amý vaknar erum við svo að fara í laufabrauð. Ég elska laufabrauð og það er ómissandi partur af desembermánuði að búa slíkt til og borða það.

Allavega vildi bara blogga smá…  knús á ykkur öll því þið eruð æði og megið commenta oftar.

Hafrún Ásta.

Read Full Post »

Þau eiga afmæli í dag.

Jamm Álfheiður Amý er orðin eins árs og henni gæti ekki verið meira sama. Og svo er Siggi 36 ára yngsta og elsta krúttið mitt.

Við þökkum að sjálfsögðu öllum þeim sem komu hér á sunnudaginn og fögnuðu með okkur… og svo eru komnar nokkrar myndir inn á barnaland og Facebook.

Hafsteinn var svo að leika í lokasýningunni hjá Leynileikhúsinu og það var á Smíðaverkstæðinu í Þjóðleikhúsinu hann var rosalega montinn.
Her eru allir hressir og kátir og við sendum afmælisknús á ykkur öll.

Read Full Post »