LÖNG PÁSA – LANGT BLOGG

Já Erna ég veit að pásan hefur verið löng. En ég var á fullu og gaf mér ekki tíma í að blogga. Þeir sem þekkja mikið vel vita hvað er búið að ganga á þið hin komist eflaust einhvern tíma að því … hehehe.

Annars erum við í fjölskyldufríi á Akureyri og gistum hjá tengdó … Erum búin að fara í nokkrar heimsóknir til Lindu, Gunna og strákanna. Hefur verið æði og Linda Rós (sem vill svo skemmtilega til að á tölvuna sem ég er að nota) Eldaði veislumáltíð ofan í allt gengið og Hreinsa og Petru í ofan á lag.

Erum búin að fara í Áshól og á Grenivík og svona…

Álfheiður Amý sem er 6 mánaða í dag heillar alla með brosinu sínu og strákarnir eru eins og þeir eiga að sér að vera.

En heima … já við höfum heldur betur verið dugleg þar og búin að gerbreyta baðherberginu og jafnvel meiri breytingar í vændum. Svo höfum við tekið út gömlu grindurnar úr okkar skáp og sett nýtt þar inn. Þó vantar slárnar og því eru upphengifötin enn út um allt. Gömlu grindurnar fóru í fatahengisskápinn og hann hefur því einnig verið tekinn í gegn. Nú og svo skáparnir hjá strákunum, kommóðan hennar Álfheiðar Amýjar og herbergið hans Hafsteins. Jamm bara harka í liðinu.

Að lokum hef ég sett mér 4 nýjar lífsreglur. Þær eru;

Ég ætla að vera sú manneskja sem ég á skilið að vera.

Ég ætla að vera sú móðir sem börnin mín eiga rétt á að eiga.

Ég ætla að vera sá lífsfélagi sem maðurinn minn á skilið að lifa með.

og síðast en ekki síst.

Ég ætla héðan í frá að stjórna sjálf minni eigin hamingju.

Hafrún Ásta kveður að norðan. En hvað varð af sólinni og hitabylgjunni?